Во учебната 2012/13 год во училиштето се реализира проектот
,, Заедно со традицијата во иднината ,, во соработка со училиштето
Св.Кирил и Методиј од Кустендил Р.Бугарија.
Целта на проектот е да создаде одржлива и плодна соработка со меѓуграничните партнери преку остварување на дејности за запознавање и анализирање на културните ресурси во регионот и вклучување на младите луѓе во регионалните традиции и достигнувања, да даваат свој допринос за подобрување на квалитетот на животот во родниот крај.
Во проектот учествуваат три партнери
Водечки партнер е ОУ„Св.кирил и Методиј" од Ќустендил-Р.Бугарија.
Втор партнер е ООУ„Никола Карев" од Пробиштип-Р.Македонија. Координатор на проектот од македонска страна е директорката на училиштето Голубина Алексова.
Како трет партнер е читалиштето „Братство 1869"- од Ќустендил -Р.Бугарија.. Господинот Иван Андонов ги реализира дејностите поврзани со врски со јавноста.
Целта на проектот ќе биде постигната преку правење на 12 клуба за работа со ученици, од кои 5 ќе бидат парални во двете училишта, а 2 во читалиштето „Братство".
Сегашниот проект создава многу добри услови за творечко докажување на младите луѓе и дава можност за вклучување на голем број ученици во дополнителните активности. Соработката меѓу наставниците и учениците од партнерските организации ќе има значаен придонес во зголемување на можностите за развој на личноста и зголемување на социјалните компетенции, создавање на вештини за активна комуникација, како и пријателства за цел живот.
Се очекува концепцијата на проектот и неговите резултати да натераат и други училишта и организации да ги повторат активностите на проектот или да учествуваат во последователните активности на партнерите во проектот. Изграденото партнерство ќе продолжи да се развива и збогатува и по завршување на проектот. Меѓусебното изучување и распространување на традициите и нивниот развој, во иднина ќе дава придонес за зголемување на привлечноста на регионот за задржување на младите луѓе во него и негов развој како туристичка дестинација.
Со клубовите по етнографија ќе раководат Емилија Цветкова и Соња Даниловска, кои ќе изучуваат и осознаваат обреди и ритуали, ќе трагаат и собираат предмети, сврзани со културата во регионот.
Иновативен момент во проектот е создавањето на „Виртуелна училница" со по една паралелка од бугарска и македонска сртана. Во двете училишта со модерни средства и технологии ќе бидат одржани активности со ученици од еден и ист клуб, по едно и исто време, со една и иста студија на случај.
Предвидено е и реализирање на два „ Заеднички часа" во кои и двете бугарско-македонски групи од идентични клубови ќе учествуваат во заеднички активности.
На работна посета кај колегите во Кустендил -Бугарија -декември 2012
Видео снимка од виртуелната училница - час подготвен за празникот Бадник
од членовите на клубот за Етнографија
раководител на клубот -Соња даниловска
март 2013
Погледнете и уживајте во она што го подготвивме...